I
SERIGALA LAN KENDANG
Ada
katuturan satua buron, I Serigala lan kendang. I Serigala punika ngrasayang
seduk pisan. Ia ileh-ileh ngalih amah di alase anew ayah. Makelo suba ia
mailehan ngalih amah, kanti neked di lapangan sane linggah tur lapangane ento
laad anggona perang.
Di
lapangane ento ada makudang-kudang sarana anggen perang minakadi tameng,
tombak, klewang muah sane lianan. I Serigala merasa kenyel pisan lantas ia
pules di beten punyan kayune ane gede. Risedek ia pules, ada munyi ane
ngranayang ia bangun kapupungan.
“Gedebug
…. Gredeg….. Gredeg…..”
“Gedebug
…. Gredeg….. Gredeg…..”
I
Serigala jejeh pisan, lantas ia magedi tur ngerepak bangun. Sakewala ane ada dikenehne,
tuah wirasa kengin pisan nawangin, apake ane mamunyi ento? Ia lantas buin
maekin tongos munyine ento .
“Gedebug
…. Gredeg….. Gredeg…..”
“Gedebug
…. Gredeg….. Gredeg…..”
I
Serigala ngalih tongos mengkeb di durin batune ane gede. Mare Ia madengokan, Ia
lantas kedek ngerekek, ane tepukina tuah kendange ane kagebug baan carang
kayune ane gede tur magalayutan kaampehang angin. Lantas di samping kendange ento
tepukina ditu ada amah-amahan. Ia girang pisan lantas Ia ngamah kanti basangne
betek.
Tidak ada komentar:
Posting Komentar